搜尋

荔園 時光之旅—歡笑樂園開心地



今個夏天,荔園參與喺 TKO Plaza 將軍澳廣場 舉辦嘅「荔園 時光之旅—歡笑樂園開心地」展覽。


今次展覽,我哋將一直珍藏於荔園.流金歲月餐廳內極具歷史意義嘅木馬,同之前搵 TOMA Miniatures 幫手製作嘅 1:64 荔園模型借出。荔園主席邱達根先生亦有到場參觀,並感謝收藏家 梁Sir 同 Alan 慷慨借出佢哋一直珍而重之嘅荔園收藏品作出展覽。


我哋荔園希望可以將當年曾經陪伴過無數香港人成長,亦記載過很多歡樂回憶嘅荔園,完完整整咁再一次呈現俾大家。無論係曾經去過,定未去過嘅新一代都可以再一次認識我地荔園呢個香港品牌,繼續傳承荔園—簡單的快樂!


活動詳情: 將軍澳廣場「荔園時光之旅」 地址:將軍澳廣場一樓中庭 日期:即日起至8月10日